تطلي(مربي)الزفر

السلام عليكم
اليوم بدي اقولكم طريقة عمل
تطلي( مربى ) الزفر


مقاديره :
10 حبات زفر
كاسة و نص مي كبيرة
1 كاسة و نص سكر كبيرة
نقطة من ماء الزهر


الطريقة :
1- نبشر الزفر حتى يروح الصفار او الاحمرار عن القشرة
2- بالسكين نقطع اللب كانك بتقشري حبة برتقال
3- هلا بناخد اللب و بنترك كل الي بداخله يا اما ازا كنتي فاضية بتعمليه عصير او بتكبيه
بس حرام تكبيه لانه طيب كتيير ازا عملتيه عصير
4- ناخد كل قطعه و بنطويها من الطرفين و بنشكهم بالابرة بخيط على شكل سلسلة
5- بنتركهم بمية فاترة لمدة ليلتين طبعا بتغير ي عنهم المية حتى يروح المرار منهم
( لانه معروف الزفر بطعمه المر)
6- بعدين بنحط المية و السكر على النار و بنضيف عليهم الزفر بس طبعا بنشيلهم من الخيط الي شكيناهم فيه
7- بنتركهم على نار خفيفة لمدة ثلاثة ارباع الساعة حتى تحسي انهم صاروا مربى

صحتين و عافية

ملاحظة ( في ناس ما بتعرف شو هوة الزفر ،،،، في ناس بتقله خشخاش على كلن هوة شجر زي شجر البرتقال بس طعم الثمرة مر جدا ما بينفع تاكلوه زي البرتقال ما بعرف ازا اله اسماء تانية و على كلن بيزبط كمان تعملوا هاي الطريقة مع البرتقال ازا بتحبوا يطلع القشر في التطلي )